დუზე ელეონორა

'''ელეონორა დუზე''' – (იტალ. Eleonora Duse, 1858-1924), იტალიელი მსახიობი ქალი. 15 წლის ასაკში წარმატებით ითამაშა ჯულიეტას [[როლი (მსახიობის)|როლი]]. 1887 წ. შექმნა საკუთარი [[დასი]]. 80-იანი წლებიდან გახდა [[იტალია|იტალიის]] ყველაზე პოპულარული მსახიობი ქალი. საზღვარგარეთულმა [[გასტროლი|გასტროლებმა]] მოუტანა ტრიუმფალური წარმატება. შესრულების დროს აღწევდა [[პერსონაჟი]]ს დახვეწილ ფსიქოლოგიურ დახასიათებას, ავლენდა გმირის წინააღმდეგობრივ თვისებებს, გამოირჩეოდა ნატიფი გრაციით და მომხიბვლელობით. მისი შემოქმედებისთვის განმსაზღვრელი აღმოჩნდა თანამედროვე [[რეპერტუარი]]. იტალიაში მან პირველმა ითამაშა იბსენის გმირები, მარგარიტა გოტიე ([[დიუმა ალექსანდრ (შვილი)|დიუმა]]-შვილი), რომელშიც შეუდარებელი იყო, მისი თანამედროვე ვერისტების [[პიესა (დრამატული ნაწარმოები)|პიესებში]], სახელი გაუთქვა [[დ’ანუნციო გაბრიელე|დ’ანუნციო]]ს, ითამაშა მორის მეტერლინკის პიესებშიც. მისი ხელოვნება იყო განმაცვიფრებლად დამაჯერებელი და საოცრად მიმზიდველი. უბრალოება, ადამიანურობა, ქალურობა იყო მისი შემოქმედების განუყრელი მახასიათებლები.