კილაძე გრიგოლ

მიმდინარე ცვლილება 22:03, 12 მაისი 2025 მდგომარეობით

გრიგოლ კილაძე

გრიგოლ კილაძე – (25 ოქტომბერი 1902, ქ. ბათუმი – 3 ივნისი 1962, თბილისი), ქართველი კომპოზიტორი და დირიჟორი. საქართველოს ხელოვნების დამსახურებული მოღვაწე (1941). სსრკ სახელმწიფო პრემიების ლაურეატი (1941, 1948).

1927-29 სწავლობდა ლენინგრადის კონსერვატორიაში, 1931 დაამთავრა თბილისის კონსერვატორია (პროფ. ს. ბარხუდარიანის საკომპოზიციო კლასი). 1931-იდან თბილისის კონსერვატორიის პედაგოგია (პროფ. 1941). გრიგოლ კილაძე თვალსაჩინო საზოგადო მოღვაწეა. სხვადასხვა დროს იყო თბილისის კონსერვატორიის და საოპერო თეატრის დირექტორი, ფილარმონიის სიმფონიური ორკესტრისა და კონსერვატორიის საოპერო სტუდიის მთავარი დირიჟორი.

მისი ნაწარმოებებია, ოპერები − „ბახტრიონი“ (1936), „ლადო კეცხოველი“ (1940), ბალეტი „სინათლე“ (დაიდგა თბ. ოპერისა და ბალეტის თეატრში, 1947. სსრკ. სახელმწიფო პრემია 1948), 2 სიმფონია, 2 სიუიტა (მ. შ. ცნობილი „ქართული სიუიტა“, 1925), სიმფონიური პოემა „განდეგილი“, (1937, სსრკ. სახელმწიფო პრემია 1941), მუსიკა კინოფილმისათვის („არსენა“, „ფრთოსანი მღებავი“, და სხვ.).

გ. ტორაძე

[რედაქტირება] წყარო

მუსიკის ენციკლოპედიური ლექსიკონი