კიკაბიძე ვახტანგ

15:57, 7 მაისი 2025-ის ვერსია

ვახტანგ (ბუბა) კიკაბიძე

ვახტანგ (ბუბა) კიკაბიძე — დაიბადა 1938 წლის 19 ივლისს ქ. თბილისში. — მომღერალი, მსახიობი, რეჟისორი, სცენარისტი

1959-1965 წლებში სწავლობდა თბილისის სახელმწიფო უნივერსიტეტში, 1961-1963წწ. უცხო ენათა ინსტიტუტში. 1959 წლიდან ფილარმონიის არტისტი; მღეროდა ანსამბლებში: "დიელო", "რერო"; 1967 წლიდან ვოკალურ ინსტრუმენტალურ ანსამბლ "ორერას" სოლისტი. შესრულებული აქვს როლები ფილმებში:გია („შეხვედრა მთაში“), ბენჟამენ ღლონტი („არ დაიდარდო“, 1968), გიორგი მიქელაძე („მე, გამომძიებელი“, 1971), პავლე („ვერის უბნის მელოდიები“, 1973), ვალიკო მიზანდარი („მიმინო“, 1977), ვახტანგი, დავითი, გივი, მუსიკოსი („იცოცხლე გენაცვალე“, 1981), და სხვ.; დამდგმელი რეჟისორი და სცენარის ავტორი ფილმებისა: "იცოცხლე გენაცვალე"(1981), "მამაკაცები და სხვები"(1985).

• მე-10 მოწვევის პარლამენტის წევრი (2020 წლიდან): პარტიული სიით, საარჩევნო ბლოკი: ბლოკი „ერთიანი ნაციონალური მოძრაობა - გაერთიანებული ოპოზიცია „ძალა ერთობაშია“.

ჯილდოები, პრემიები და პრიზები

• 2013 - უკრაინის დამსახურებული არტისტი
• 2013 - საქართველოს სახელმწიფო პრემია
• 1999 - ლეონიდ უტიოსოვის სახელობის პრემია
• 1998 - პრიზი "Золотой Грамофон"(რუსეთი)
• 1998 - თბილისის საპატიო მოქალაქე
• 1998 - წმინდა კონსტანტინეს რაინდული ოქროს ჯვრის საერთაშორისო ორდენი(რუსეთი)
• 1997 - ნიკოლოზ სასწაულმოქმედის საერთაშორისო ორდენი(უკრაინა)
• 1997 - ვახტანგ გორგასლის III ხარისხის ორდენი
• 1994 - ღირსების ორდენი
• 1980 - სსრკ სახელმწიფო პრემია
• 1980 - საქართველოს სახალხო არტისტი
• 1978 - სსრკ სახელმწიფო პრემია , ფილმისთვის "მიმინო"
• 1969 - საერთაშორისო კინო ფესტივალ "კარტახანი-70"-ის პრემია, მამაკაცის როლის საუკეთესო შესრულებისათვის ფილმში "არ დაიდარდო"

რესურსები ინტერნეტში

• საქართველოს პარლამენტის ოფიციალური საიტი
• ბიოგრაფიული ლექსიკონი

წყარო

მუსიკის ენციკლოპედიური ლექსიკონი