ჩელებაძე რევაზ

მიმდინარე ცვლილება 18:35, 2 ივლისი 2025 მდგომარეობით

რევაზ ჩელებაძე

რევაზ ჩელებაძე — (დ. 2 ოქტომბერი, 1955, ქობულეთი), ქართველი ფეხბურთელი, თავდამსხმელი. თამაშობდა ქობულეთის „შუქურაში“ (1973), ბათუმის „დინამოში“(1974-­75, 1983­-85), თბილისის „დინამოსა” (1976­-82, 1985­-87) და ლანჩხუთის „გურიაში“ (1982). სსრკ ნაკრებში ჩაატარა 7 მატჩი (3 გოლი). ოლიმპიური თამაშების მესამე პრიზიორი (1980). სსრკ უმაღლეს ლიგაში ითამაშა 158 მატჩი (52 გოლი). სსრკ ჩემპიონი (1978), სსრკ ჩემპიონატების მეორე (1977) და მესამე (1976 გაზაფხული, 76 შემოდგომა) პრიზიორი. სსრკ თასის მფლობელი (1976, 79) და ფინალისტი (1980). 1977 წელს დასახელებული იყო საბჭოთა კავშირის 33 საუკეთესო ფეხბურთელის სიაში. საერთაშორისო კლასის სპორტის ოსტატი. სხვადასხვა წლებში სათავეში ედგა საქართველოს ეროვნული ჩემპიონატის გუნდებს. ღირსების ორდენის კავალერი.

[რედაქტირება] წყარო

• ოლიმპიური ორტომეული