მარტივი ყულფი

13:50, 16 ნოემბერი 2016-ის ვერსია

მარტივი ყულფი

მარტივი ყულფი

არალითონურ გვარლზე ასეთი ყულფის გასაკეთებლად პირველ რიგში უნდა დავადოთ მარკა იმ ადგილზე, სადამდეც ნავარაუდევია გვარლის გაშლა ძარღვებად.

მსხვილი გვარლის შემთხვევაში მარკები უნდა დაედოს თითოეული ძარღვის ბოლოშიც, რომ შემადგენელ სიმებად არ დაიშალოს. ამის შემდეგ მარკა უნდა დავადოთ გვარლს იმ ადგილზე, სადაც ნავარაუდევია ძარღვების გაყრა საჭირო ზომის ყულფის მისაღებად. გაშლილი ძარღვები დავადოთ ძირითად ნაწილს.

გაყრა უნდა დავიწყოთ შუათანა ძარღვით და გავუყაროთ ის უახლოესი ძირითადი ძარღვის ქვეშ გვარლის ნაგრეხის დაშვების საპირისპიროდ. შემდეგ, გავუყაროთ ზედა მარცხენა თავისუფალი ძარღვი მომდევნო ძირითადის ქვეშ. მოვჭიმოთ ორივე ძარღვი, გადავაბრუნოთ ყულფი მეორე მხარეს. მესამე, დარჩენილი მარჯვენა ძარღვი გავუყაროთ თავისუფლად დარჩენილი ძირითადი ძარღვის ქვეშ მარჯვნიდან მარცხნივ, დაშვების საპირისპირო მიმართულებით და მოვჭიმოთ ეს ძარღვი.

პირველი გაყრები ყულფის საფუძველია და მასზე დიდად არის დამოკიდებული მთელი ნამუშევრის ხარისხი. ამიტომ ყურადღება უნდა მიექცეს, რომ წინმავალ ძარღვს შორის მდებარეობდეს ძირითადი ძარღვი და რომ ყველა წინმავალი ძარღვი ერთი მიმართულებით მიდიოდეს. შემდეგ, უნდა ავიღოთ ნებისმიერი ძარღვი და გავუყაროთ დაშვების საპირისპიროდ თითო ძირითად ძარღვზე გადატარებით თითო ძირითადი ძარღვის ქვეშ. შემდეგ, მარჯვნიდან მარცხნივ ყველა ასევე. საკმარისია ორი გაყრა მთლიანი ძარღვებით და ერთიც განახევრებულით. მსხვილ გვარლზე კარგია მეოთხე გაყრაც. დაბეგვის და სინთეზური მასალის შემთხვევაში თავი-სუფალი ძარღვების მოწვის შემდეგ ყულფი მზად არის.

წყარო

ვარძელაშვილი, დიმიტრი. საზღვაო კვანძები/რედ. ალ.ჯავახიშვილი. - მე-3 შესწორებული გამოცემა - [თბ.]: ალავერდი, 2015. – 56 გვ: ნახ.; ISBN 978-9941-0-8081-4