წერეთელი თამარ

17:32, 29 მაისი 2019-ის ვერსია

თამარ წერეთელი

წერეთელი თამარ - (დ. - 14.VIII.1900, სოფ. სვირი - გ. - 05.IV.1968, მოსკოვი) - პოპულარული საესტრადო მომღერალი. კონტრალტო. ბოშური რომანსის პირველი ქართველი შემსრულებელი.

ბიოგრაფია

1917 დაამთავრა ქუთაისის წმ. ნინოს სახელობის გიმნაზია და სწავლა თბილისის სამედიცინო ინსტიტუტში განაგრძო. მალე სამედიცინო ინსტიტუტს თავი დაანება და სწავლა თბილისის სახელმწიფო კონსერვატორიაში განაგრძო. ფორტეპიანოზე დაკვრას ნ. ნ. ჩერეპნინი ასწავლიდა, ვოკალს - ა. ჯაყელი. 1920 წელს იყო მისი სასცენო დებიუტი. თავისი აკომპანიატორის - ბ. პროზოროვსკის რჩევით, კონსერვატორიას თავი დაანება და მოსკოვში გაემგზავრა. გასაბჭოების შემდეგ მისი პირველი სოლო კონცერტი, 1923 წელს მოსკოვის კონსერვატორიის მცირე დარბაზში გაიმართა. შემდეგ აღიარება მთელ რუსეთში მოიპოვა. 1925 საქართველოში დაბრუნების სურვილი გამოთქვა, თუმცა არ დაბრუნებულა. 1959 ჩათვლით აქტიურად გამოდიოდა ევროპისა და რუსეთის სცენაზე. მის კონცერტებში ხშირად მონაწილეობდნენ მაშინდელი ცნობილი არტისტები: დ. ოისტრახი, ნ. ობუხოვა, ა. ნეჟდანოვა, ი. კოზლოვსკი, ლ. სობინოვი, ს. კუზნეცოვი და სხვ. 1960 წელს დატოვა სცენა.

დაკრძალულია თბილისში, დიდუბის მწერალთა და საზოგადო მოღვაწეთა პანთეონში.

ზურაბ ლეჟავა

ლიტერატურა

• დ. მჭედლიძე, „ქართველ მომღერალთა სამი თაობა“, თბ., 1968;
• რ. ქუთათელაძე, მ. ჯაფარიძე, „ქართული მუსიკის ენციკლოპედიური ლექსიკონი“, კულტურის სამინისტრო, თბ., 2015.

იხილე აგრეთვე

ბიოგრაფიული ლექსიკონი

წყარო

საქართველოს დემოკრატიული რესპუბლიკა (1918-1921) ენციკლოპედია-ლექსიკონი