ჭუმუტა

მიმდინარე ცვლილება 16:52, 26 აგვისტო 2019 მდგომარეობით

ჭუმუტა

ჭუმუტა - სინონიმები: ჯუმუტა, ჯუმუტაი - მაღალხარისხოვანი საღვინე ვაზის ჯიშია.

ფოთოლი საშუალო ან საშუალოზე დიდია და მომრგვალო ფორმის, სამ-ხუთნაკვთიანი. ფირფიტის ზედა მხარე ბადისებრდანაოჭებული, ქვედა მხრიდან დაფარულია გართხმული ბუსუსებით.

მტევანი საშუალო ან საშუალოზე მცირე, ცილინდრული ან ცილინდრულ-კონუსური. მხრიანი. მკვრივი ან ძალიან მკვრივი. არის საშუალო სიმკვრივის მტევნებიც. მარცვალო მომრგვალო, მუქი ლურჯი, ძლიერ გამოხატული ცვილისებური ნაფიფქით. კანი მკვრივი, რბილობი საშუალო კონსისტენციის და წვნიანი. წვენი შეფერვის გარეშე. სასიამოვნო გემური თვისებებით.

[რედაქტირება] ფენოლოგია

კვირტის გაშლა აპრილის მეორე დეკადაში, ყვავილობა ივნისის დასაწყისში; შეთვალება აგვისტოს მეორე ნახევრის შემდეგ. სრული სიმწიფე ოქტომბრის მეორე ნახევრიდან. სავეგეტაციო პერიოდის ხანგრძლივობა 180-185 დღე. ვაზი საშუალო ზრდის და საშუალო მოსავლიანია. 1ჰა მოსავალი 60-70ც. მტევნის წონა 137-180გ.

ავადდება ჭრაქით და ნაცრით.

ყურძნის წვენის შაქრიანობა 22.7- 23%; საერთო მჟავიანობა 7.5-9გ/ლ; pH- 3.25

[რედაქტირება] წყარო

ქართული სასუფრე და საღვინე ვაზის ჯიშები