სეპტიმა

16:33, 14 დეკემბერი 2021-ის ვერსია

(a) — დიდი სეპტიმა, (b) — პატარა სეპტიმა, (c) — გადიდებული სეპტიმა, (d) — შემცირებული სეპტიმა

სეპტიმა — (ლათ. Septima), ინტერვალი, რომელიც დიატონური ბგერათა რიგის 7 საფეხურს მოიცავს. დიდი სეპტიმა (დო-სი) შეიცავს 11 ნახევარტონს, პატარა სეპტიმა (დო-სი-ბემოლი) — 10 ნახევარტონს, შემცირებული სეპტიმა (დო დიეზი-სი ბემოლი) — 9 ნახევარტონს. გადიდებული სეპტიმა (დო-სი დიეზი) თანაბრადტემპერირებულ წყობაში ენჰარმონიულად ოქტავის (12 ნახევარტონი) ტოლია. სეპტიმა ეწოდება აგრეთვე ცალკეულ ბგერას, რომელიც საწყისიდან სეპტიმური ინტერვალითაა დაშორებული.

წყარო

ხელოვნების განმარტებითი ლექსიკონი