ურნალი

15:58, 11 თებერვალი 2022-ის ვერსია

ურნალი

ურნალი

1. სამშენებლო მანქანა სახიმინჯე უროს ან ვიბრო-ჩამსობის ჩამოსაკიდად და მიმმართველად, ჩასმისას ხიმინჯის მოსაჭიმად, ასაწევად და მიმმართველად. ურნალი არის ელექტრული, დიზელის, მარტივი, უნივერსალური, თვითმავალი, არათვითმავალი. ურნალი შედგება მიმმართველი ანძისაგან ხიმინჯისა და უროსათვის; ტვირთამწევი მექანიზმისაგან უროსა და ხიმინჯის ასაწევად; ჩარჩოსაგან, რომელზეც მონტაჟდება ყველა მექანიზმი; სავალი მექანიზმისაგან თვითმავალი ურნალებისათვის;

2. სამთოტექნიკური ნაგებობა, რომელიც უშუალოდ შახტის თავზეა აღმართული. გამოიყენება შახტიდან მადნეულის ამოსაღებად და სატრანსპორტო საშუალებებში ჩასატვირთად. ის შეიძლება იყოს დროებითი (ასაწყობ-დასაშლელი) და მუდმივი მოქმედების (სტაციონალური); მისი დამზადებისათვის ძირითადად ხისა და ფოლადის კონსტრუქციები გამოიყენება;

3. დანადგარი, რომლის მეშვეობით ხდება მსხვილი ლითონის ჯართის დამსხვრევა;

4. მოწყობილობა დარტყმითი მექანიკური გამოცდებისთვის.

იხილე აგრეთვე

სამშენებლო ურნალი

წყარო

სამშენებლო ენციკლოპედიური ლექსიკონი