ჯაყელი ჯემალ

მიმდინარე ცვლილება 23:45, 22 აპრილი 2022 მდგომარეობით

ჯემალ ჯაყელი

ჯაყელი ჯემალ – (1928 – 2020), ქართველი მწერალი პოეტის, მთარგმნელი, მცნიერი. სხვადასხვა დროს მუშაობდა: ჟურნალ „ლიტერატურული აჭარის“ ლიტმუშაკად, ბათუმის აკაკი წერეთლის სახელობის საჯარო ბიბლიოთეკის დირექტორად; 1947 წელს დაბეჭდა პირველი ლექსი. 1957 წელს გამოსცა ლექსების პირველი კრებული „სიჭაბუკე“. გამოცემული აქვს კრებულები: „ჩანჩქერები“, „თვალები და გზები“, „რჩეული ლექსები“, „მზისა და წვიმის სერენადა“, „მაცთუნე, ევა“,; თარგმნილი აქვს სილვა კაპუტიკიანის და ფელიქს ბახჩინიანის ლექსები.

* * *

დრო მიდის და ის მზესაც აკლდება

ადამიანთა დაცინვა ბედის,

დღეს მწუხრის ვარსკლავს შემოაკვდება,

ბოლო სიმღერა როგორაც გედი.

დრო მიდის და ის დღეების ფურცლებს

ისე ხევს, თითქოს იხდიდეს ვალებს.

ფართქალა გული მეორეს უცემს,

ჩამოიხევა რომელიც ხვალე.

და განუწყვეტლად ასე აკლდება

სიცოცხლის ხიდი დაცინვად ბედის.

დღე მწუხრის ვარსკლავს შემოაკვდება,

ბოლო სიმღერას როგორაც გედი!!!

[რედაქტირება] წყარო

ქართველი პოეტები (ენციკლოპედია)