ღვარცოფსაშვები

'''ღვარცოფსაშვები''' – [[ღვარცოფსაწინააღმდეგო ნაგებობები|ღვარცოფსაწინააღმდეგო ნაგებობათა]] ერთ-ერთი ტიპი; მიეკუთვნება [[ღვარცოფგამტარი|ღვარცოფგამტარ]] ნაგებობათა ჯგუფს. ღვარცოფსაშვები თავის მხრივ, არის [[რკინაბეტონი]]ს [[ღვარცოფული ღარი|ღარი]] და [[ღვარცოფული კალაპოტი]]ს გაგრძელება დასაცავი ხაზოვანი ობიექტის ([[რკინიგზა|რკინიგზის]] ან გზატკეცილის ვაკისი, [[არხი (წყალსატარი)|არხი]]) ზემოდან; გამოიყენება [[ღვარცოფი]]ს მცირე ხარჯის გასატარებლად. ტრანზიტული მოძრაობის უზრუნველსაყოფად ღარის ქანობი უნდა იყოს თანაბარი ან აღემატებოდეს ბუნებრივი კალაპოტის ქანობს მისასვლელ უბანზე. ღარის სიგანე უნდა შეესაბამებოდეს [[ღვარცოფული ნაკადი]]ს საშუალო სიგანეს, ხოლო [[კედელი|კედლების]] სიმაღლე უნდა აღემატებოდეს ნაკადის მაქსიმალურ სიღრმეს 20%-ით.