თეილერიოზი

მიმდინარე ცვლილება 13:11, 4 აპრილი 2023 მდგომარეობით

თეილერიოზი (theileriosis; theiler + ბერძნ. osis დაავადება) – შინაური და ზოგიერთი გარეული მცოხნელი ცხოველების ტრანსმისიული დაავადება, რომლის აღმძვრელებია Theileria-ს გვარის უმარტივესები.

თეილეროზი უპირატესად სამხრეთის ქვეყნებშია გავრცელებული და ხშირად ვლინდება სხვა ჰემოსპორიდიოზულ დაავადებებთან ერთად.

მსხვილფეხა მცოხნელი პირუტყვის თეილერიოზის აღმძვრელია ოთხი სახეობა. მათგან განსაკუთრებით ვირულენტურია – Theileria annulata და Th.sergenti, რომელთა გადამტანებია, შესაბამისად, Hyalomma-სა და Haemaphysalis-ის გვარების ტკიპები.

სიმპტომები: ლიმფური კვანძების გადიდება, სხეულის ტემპერატურის მატება, გულსისხლძარღვთა სისტემის ფუნქციის მოშლა, წინაკუჭების ატონია, ანემია და ლორწოვანი გარსების სიყვითლე.

ორი სახეობა – Th.orientalis და Th.mutans დაბალი ვირულენტობით ხასიათდება. მათ მიერ გამოწვეული თეილერიოზი სუსტი ფორმით მიმდინარეობს და კლინიკურად ნაკლებად არის გამოხატული.

ცხვრისა და თხის თეილერიოზის აღმძვრელია – Th.ovis.

[რედაქტირება] წყარო

სავეტერინარო პარაზიტოლოგიის ტერმინთა ლექსიკონი