თესპიდე

მიმდინარე ცვლილება 11:34, 1 ივნისი 2023 მდგომარეობით

თესპიდე – (ბერძ. Θέσπις, მე-6 ს. მე-2 ნახ. ძვ.წ.), ძველბერძენი პოეტი. ანტიკური წყაროების თანახმად, იგი ავტორია მის მიერვე საბერძნეთში პირველი დადგმული ტრაგედიისა დიდი დიონისობის ათენის დღესასწაულზე (534-533 ძვ.წ.). მას მიეწერება მოქმედებაში მსახიობის შეყვანა, რომელიც ქოროს პარტიების შუალედში მაყურებელს ატყობინებდა ორქესტრას მიღმა მიმდინარე მოვლენების შესახებ, პასუხობდა ქოროს შეკითხვებს (გადმოცემის მიხედვით, ეს მსახიობი თავად იყო), ვარაუდობენ, რომ მან პირველმა გამოიყენა ნიღბები. მისმა ნაწარმოებებმა ჩვენამდე ვერ მოაღწია.

[რედაქტირება] წყარო

მსოფლიო თეატრის ენციკლოპედიური ლექსიკონი