ტოლერი ერნსტ
მ (მომხმარებელმა Tkenchoshvili გვერდი „ტოლერი ერნსტ“ გადაიტანა გვერდზე „ერნსტ ტოლერი“) |
მ (მომხმარებელმა Tkenchoshvili გვერდი „ერნსტ ტოლერი“ გადაიტანა გვერდზე „ტოლერი ერნსტ“ გადამისამართე...) |
მიმდინარე ცვლილება 15:42, 7 ივნისი 2023 მდგომარეობით
ერნსტ ტოლერი − (გერმ. Ernst Toller, 1893-1939), გერმანელი მწერალი, დრამატურგი. მისი პირველი პიესა „გარდასახვა“ შექმნილია ექსპრესიონიზმის პრინციპებზე. მასში გმირის გაბედული ანტისაომარი პროტესტი გახვეულია მისტიკის საბურველში. ასეთივე მძაფრი და განყენებულია მისი მომდევნო პიესა „კაცი-მასა“. ისტორიულ დრამაში „მანქანების მნგრეველები“ ნაჩვენებია ინგლისურ ფაბრიკაში მუშების სტიქიური აჯანყება. პესიმისტურია პიესა „გერმანელი ხეიბარი“ ომში დაინვალიდებული ცენტრალური გმირი თავს იკლავს. კომედია „განთავისუფლებული ვოტანი“ ფარსის ფორმით გადმოსცემს ფაშიზმის სიმახინჯეს. პიესაში „ჰოპლა ჩვენ ვცოცხლობთ“, რევოლუციაში მონაწილე გმირი კარგავს მომავლის იმედს და თავს იკლავს. ასევე ანტისაომარ თემას ეძღვნება პიესა „ჩავაქროთ კოცონი“. როგორც ესთეტიკური პრინციპების, ისე მსოფლმხედველობის თვალსაზრისით, ტოლერი ექსპრესიონისტული დრამის ყველაზე მკაფიო წარმომადგენელია.
