სექტორი (მათემატიკა)
(ახალი გვერდი: '''სექტორი''' – 1) ბრტყელი ფიგურის ნაწილი, რომელიც შემოსაზღვრულ...) |
მიმდინარე ცვლილება 14:09, 9 აგვისტო 2023 მდგომარეობით
სექტორი – 1) ბრტყელი ფიგურის ნაწილი, რომელიც შემოსაზღვრულია ამ ფიგურის შიგა წერტილიდან გამომავალი ორი ნახევარწრფითა და ფიგურის კონტურის რკალით.
წრის სექტორი – წრის ნაწილი, რომელიც შემოსაზღვრულია ორი რადიუსითა და მათ შორის მდებარე რკალით. წრიული სექტორის ფართობი
- S = πr2 α0 / 360° = r2α /2 = 1r/2,
სადაც α0 და α არის რკალის შესაბამისი ცენტრალური კუთხე გრადუსებსა ან რადიანებში, r – წრის რადიუსი, l – რკალის სიგრძე.
2) სხეულის ნაწილი, შემოსაზღვრული იმ კონუსური ზედაპირით, რომლის წვერო სხეულის შიგნითაა, და ამ ზედაპირის მიერ სხეულის ზედაპირზე ამოჭრილი ნაწილით.
მაგალითად, წრიული სექტორი - წრის ნაწილი, რომელიც შემოსაზღვრულია ორი რადიუსით და მათ შორის მოთავსებული წრეწირის რკალით.
ეს სიტყვა წარმოშობილია ლათინური seco -დან, რაც სიტყვასიტყვითი თარგმანია ბერძნული სიტყვისა αποτμημα. ზოგიერთი ავტორისათვის ის ნიშნავდა ბრტყელი ან სივრცითი ფიგურიდან ჩამოჭრილ ფრაგმენტს. ევკლიდე მას იყენებდა აგრეთვე წრის, ცილინდრის ან კონუსის სეგმენტის სახელწოდებად.
