ლემეშევი სერგეი

'''სერგეი ლემეშევი''' – (27. VI. 1902, ს. სტაროე- კნიაზევო, ახლანდელი კალინინის ოლქი – 26. VI. 1977, მოსკოვი), რუსი მომღერალი (ლირ. ტენორი), სსრკ სახალხო არტისტი (1950). 1925 დაამთ. მოსკოვის კონსერვატორია 1926 შედგა მისი დებიუტი (სვერდლოვსკი). 1928-29 მღეროდა [[თბილისის ოპერისა და ბალეტის თეატრი|თბილისის საოპერო თეატრი]]ს სცენაზე. 1931-65 სსრკ [[დიდი თეატრი]]ს სოლისტი იყო, ს. ლემეშევი რუსული ვოკალური სკოლის ერთ-ერთი თვალსაჩინო წარმომადგენელია. მისი შესრულებული პარტიებიდან გამოირჩევა ლენსკი (ჩაიკოვსკის „ევგენი ონეგინი“), ვერთერი (მასნეს „ვერთერი“), რომეო, ფაუსტი ([[გუნო შარლ|გუნო]]ს „რომეო და ჯულიეტა“ და „ფაუსტი“), ჰერცოგი ([[ვერდი ჯუზეპე|ვერდი]]ს „[[რიგოლეტო (ვერდი)|რიგოლეტო]]“) და სხვ.