ბათიაშვილი თამაზ

მიმდინარე ცვლილება 15:31, 21 მაისი 2025 მდგომარეობით

თმაზ ბათიაშვილი

ბათიაშვილი თამაზ ალექსის ძე - (18.III.1941, თბილისი), მევიოლინე და პედაგოგი. საქართველოს სახალხო არტისტი (1980), შ. რუსთაველის სახელობის პრემიის ლაურეატი (1992), ზ. ფალიაშვილის სახელობის პრემიისა (1971) და ლ. ვაინერის სახელობის საერთაშორისო კონკურსის ლაურეატი (1973, ბუდაპეშტი, კვარტეტის სხვა წევრებთან ერთად).

1963 დაამთავრა თბილისის კონსერვატორია, 1966 ასპირანტურა (პროფესორ შ. შანიძის ვიოლინოს კლასი). 1963-იდან მუშაობა დაიწყო საქართველოს კამერულ ორკესტრში (რომლის დაარსების ერთ-ერთი ინიციატორი და მონაწილეცაა) კონცერტმაისტერად, ბოლო 1966-იდან საქართველოს სახელმწიფო სიმებიან კვარტეტში მევიოლინედ. კვარტეტთან ერთად კონცერტებს მართავდა ყოფილ სსრკ ქალაქებში და საზღვარგარეთ. 1967-იდან კონსერვატორიის პედაგოგია (1986-იდან პროფესორი). 1990-იანი წლებიდან ცხოვრობს და მოღვაწეობს გერმანიაში.

ლ. საყვარელიძე

[რედაქტირება] იხილეთ აგრეთვე

თამაზ ბათიაშვილი

[რედაქტირება] წყარო

მუსიკის ენციკლოპედიური ლექსიკონი