თერმული მღვიმეები

21:49, 9 ივნისი 2026-ის ვერსია

თერმული მღვიმეები საერთოდ კარგადაა გამოსახული უნგრეთში. მათ შორის უშესანიშნავესია შატორკეპუსტას მღვიმე, რომელიც მდებარეობს ქ. ბუდაპეშტიდან 40 კმ მანძილზე, ქ. დოროგის სანახებში. იგი წარმოადგენს ბუშტისებური სიღრუვეების სისტემას და ერთობლივად მოგვაგონებს ყურძნის მტევანს. სფერული სიღრუვეების დიამეტრი ცვალებადობს 1-4 მ ფარგლებში. სისტემის ქვედა ნაწილში მდებარეობს „ქვის ყვავილთა დარბაზი“, რომლის სიგრძეა 34 მ, სიგანე — 27 მ, სიმაღლე — 2–6 მ. სიღრუვე გამომუშავებულია გეიზერული წყლების მიერ კირქვებში. ცხელი წყალი შეიცავდა გოგირდმჟავას, რომელიც ხსნიდა კირქვას და იწვევდა თაბაშირისა და არაგონიტის გამოკრისტალებას მღვიმის კედლებზე, ნაირ-ნაირი თვალწარმტაცი ფორმების სახით. აქ გხედავთ ნემსისებურ, ღინღლისებურ, მტევნისებურ, ვარსკვლავისებურ კრისტალთა ჯგუფებს.

წყარო

მღვიმეთმცოდნეობის საფუძვლები