გრიგორაშვილი მიხეილ

11:38, 7 ნოემბერი 2017-ის ვერსია

გრიგორაშვილი (გრეგორი) მიხეილ ლეონტის ძე - (1888, ქუთაისის გუბერნია - 1953, თრენთონი, ნიუ-ჯერსი), ამერიკელი ავიაკონსტრუქტორი წარმოშობით ქართველი.

აშშ-ის და კანადის საავიაციო მრეწველობის ერთერთი შემქმნელი. დაამთავრა პეტერბურგის საგზაო ინჟინერთა ინსტიტუტი (1913). იყო რუსეთში საიმპერატორო აეროკლუბის დამაარსებელი და ერთ-ერთი პირველი მფრინავი. შექმნა და წარმოებაში დანერგა საკუთარი კონსტუქციის საჰაერო ხრახნები. 1921 წლიდან მოღვაწეობდა აშშ-ში, იყო ფირმა „ბერდ ეარკრფტ კორპორეიშენის“ ერთ-ერთი დამაარსებელი და მთავარი კონსტრუქტორი. 1944 წლიდან გარდაცვალებამდე გრიგორაშვილი მუშაობდა ფირმა „ჩეიზ ეარკრაფტ კორპორეიშენში“ მთავარ კონსტრუქტორად. ავტორია მსოფლიოში ერთერთი საუკეთესო გამანადგურებელ-ბიპლანის _ „გრეგორ FDB-1“.

წყარო

ქართული სამხედრო ენციკლოპედიური ლექსიკონი. აკადემიკოსის, გენერალ-მაიორ ელგუჯა მეძმარიაშვილის საერთო რედაქციით. თბილისი, 2017.

იხილე აგრეთვე

მიხეილ გრიგორაშვილი