ექი

16:02, 19 დეკემბერი 2018-ის ვერსია

ექ-ი (ნოღ. Ек) – ყოველი სულდგმულის მჭამელი დემონური არსება ნოღაურ მითოლოგიაში. ჩნდება მოულოდნელად, აყურადებს ადამიანთა საუბარს, იგებს საიდუმლოებებს, შემდეგ კი თავს ესხმის. ცნობილია მეტსახელით „ყარაყულაყი" (каракулак – „შავი ყური“).

ნოღაურ ენაში ყარაყულაყი ქარაგმულად საიდუმლოს გამგებსა და დამსმენს აღნიშნავს.

როგორც ჩანს, ეს ტერმინი ექის ერთ-ერთ ფუნქციაზე მიანიშნებს. საინტერესოა აღინიშნოს, რომ ყაზახურ მითოლოგიაში ჲექი და ყარაყულაყი წარმოდგენილია, როგორც აშვერილყურებიანი პატარა არსება. ძველთურქულ ენაში ჲექი დემონს ნიშნავს.

ლიტერატურა

Капаев И. Ногайские мифы, легенды и поверья. Опыт мифологического словаря. М., 2012.

წყარო

კავკასიის ხალხთა მითები და რიტუალები