ჯიმუშ ბირა

მიმდინარე ცვლილება 15:16, 30 მაისი 2019 მდგომარეობით

ჯიმუშ ბირა (მეგრ. „მარილის სიმღერა“) – მეგრული საწესო სიმღერა; სრულდებოდა საქორწილო სუფრაზე და ეძღვნებოდა ე. წ. „წითელი მარილის" (ჭითა ჯიმუ – მშრალი აჯიკის ნაირსახეობა – ერთად დანაყილი წითელი წიწაკა და მარილი, რომელიც ხორცის საწებლად გამოიყენება) დამამზადებელ ქალიშვილებს. თუ „წითელი მარილი“ ძალზე ცხარე აღმოჩნდებოდა და მაქორწილე მამაკაცთა ქებას დაიმსახურებდა, ეს უკანასკნელნი ქალიშვილებს უმღეროდნენ:

ჰოი, ძღაბი, მუ გიკაკუ,

ოჰო-ჰოჲა,ოჰო-ჰო,

ართო დაჩხირი ქუმომკათუ,

ოჰო-ჰო.

სით დაჩხირი ჸოფექუ დო

მათ დაჩხირი ქომომკათე,

ოჰო-ჰოჲა-ოჰო-ჰო.

ჰოი, გოგო, რა დაგინაყავს

ოჰო-ჰოჲა, ოჰო-ჰო,

მთლად ცეცხლი შემომანთო,

ოჰო-ჰო.

შენც ცეცხლი ყოფილხარ და

მეც ცეცხლი წამიკიდე,

ოჰო-ჰოჲ, ოჰო-ჰო.

სიმღერის ტექსტი აშკარად ეროტიკული ხასიათისაა და საქორწილო განწყობას ეხმიანება. როგორც ჩანს, მეგრელისათვის წიწაკა ფალოსის სიმბოლოდაც აღიქმებოდა; ცხარე წიწაკაზე იტყვიან: „საჯდომუსაცვლო ქალის დარგულია“ (მუნდუკურთე ოსურიშ ნარგი რე) – სახეზეა პენისისა და კტეისის კავშირი.

[რედაქტირება] ლიტერატურა

ნ. ანთელავა. ტრადიციული საქორწინო წეს-ჩვეულებანი სამეგრელოში. თბ., 2005, გვ. 161-162.

[რედაქტირება] წყარო

კავკასიის ხალხთა მითები და რიტუალები