ვიშვარუპა
NPLG Wiki Dictionaries გვერდიდან
15:11, 29 ივნისი 2017-ის ვერსია, შეტანილი Tkenchoshvili (განხილვა | წვლილი)-ის მიერ
ვიშვარუპა – (ინდ.) შემზარავი სამთავიანი არსება, ტვაშტარის ძე; მისი ერთი ხელი მზესავით იყო, მეორე – მთვარესავით, მესამე – ცეცხლის ალივით; ერთი ბაგით თუ ვედების საგალობელთ წარმოთქვამდა, მეორეთი ღვინოს სვამდა, მესამეთი მზად იყო ყველაფერი ჩაეყლაპა. ღმერთებსა და ასურებს შორის ბრძოლაში ამ უკანასკნელთა მხარს იჭერს, თუმცა იგი ღმერთების მსხვერპლშემწირველად ითვლება. ბოლოს, იგი ინდრას მსხვერპლი ხდება: აჭრის მას სამივე თავს.
