ბალანტიდიები

ბალანტიდიები - (Balantidium; ბერძნ. ტომარა, საფულე), უმარტივესები, მიეკუთვნებიან Ciliata-ს (ბერძნ. cilium წამწამი) კლასს.

ბალანტიდიების სხეული ოვალური ან კვერცხისებრია, დაფარულია წამწამებით. ციტოპლაზმაში ბირთვი და ბირთვაკია. ბალანტიდიები მრავლდებიან ორად გაყოფით ან სქესობრივი გზით – კონიუგაციით. ისინი პარაზიტობენ ღორის, მღრღნელების, ზოგჯერ ადამიანის მსხვილ ნაწლავებში. გარემოში გამოიყოფიან მოძრავი ტროფოზოიტებისა და უძრავი ცისტების სახით.

წყარო

სავეტერინარო პარაზიტოლოგიის ტერმინთა ლექსიკონი