სანქცია

სანქცია (ლათინური sanction – უმკაცრესი დადგენილება) – საერთაშორისო სამართალში – ზემოქმედების იძულებითი ფორმა, რომელიც გამოიყენება სახელმწიფოს ან საერთაშორისო სამართლის სხვა სუბიექტის მიმართ. მისი მოქმედებები წარმოადგენს აგრესიის აქტს, საფრთხეს უქმნის საერთაშორისო მშვიდობას და უსაფრთხოებას, არღვევს საერთაშორისო სამართლის ნორმებს. გაეროს წესდება ითვალისწინებს არასამხედრო და სამხედრო ხასიათის სანქციებს.

ეკონომიკური, ფინანსური, - სამხედრო ღონისძიებები გამოყენებული საერთაშორისო სამართალში იმ სახელმწიფოების წინააღმდეგ, რომლებმაც დაარღვიეს საერთაშორისო ხელშეკრულებები; ნებართვა, თანხმობა, დადასტურება, მოწონება. იძულებითი ზემოქმედების ღონისძიებები სამეურნეო და ფინანსური საქმიანობის ნორმალურად გაძღოლის წესების დამრღვევთა მიმართ. სანქციები ხორციელდება სახელმწიფო ორგანოების, ფინანსური და საგადასახადო ორგანოების, აგრეთვე ბანკების მხრიდან. სანქციები მოიცავს: საქმიანობის აკრძალვას ან შეზღუდვას, მატერიალური და ფულადი საშუალებების ამოღებას.

განასხვავებენ შემდეგი სახის სანქციებს; 1). სახელშეკრულებო (ჯარიმები, ხელშეკრულებით გათვალისწინებული პირობების შეუსრულებლობისათვის; 2). საკრედიტო (საბანკო), გამოიყენება ბანკების მიერ საკრედიტო ვალდებულებათა დარღვევის შემთხვევაში; 3). ფინანსური (ფინანსურ-საგადასახადო დისციპლინის დარღვევისას).