ბერიაშვილი გიორგი

გიორგი ბერიევი

გიორგი მიხეილის ძე ბერიაშვილი - (ბერიევი) (1903-1979) - საბჭოთა ავიაკონსტრუქტორი, საინჟინრო-ტექნიკური სამსახურის გენერალ-მაიორი, ტექნიკურ მეცნიერებათა დოქტორი (1961).

დაამთავრა ლენინგრადის პოლიტექნიკური ინსტიტუტი (1930). 1934-68 წლებში საზღვაო თვითმფრინავმშენებლობის საცდელ-საკონსტრუქტორო ბიუროს მთავარი ინჟინერი და უფროსი.

მისი ხელმძღვანელობით შექმნილია ჰიდროთვითმფრინავები, რეაქტიული მფრინავი ნავები, ამფიბია-თვითმფრინავები, სახომალდე, საკატაპულტე თვითმფრინავები და სახმელეთო მსუბუქი სამგზავრო თვითმფრინავები.

წყარო

• ქართული სამხედრო ენციკლოპედიური ლექსიკონი