პოლიფემოსი
NPLG Wiki Dictionaries გვერდიდან
პოლიფემოსი – (ბერძნ.) კიკლოპი, პოსეიდონის ძე.
ტროადან რომ ბრუნდებოდა ოდისევსი, თავის თორმეტ თანამგზავრთან ერთად მოხვდა პოლიფემოსის მღვიმეში (ოდისევსი). გმირი იძულებული გახდა მისთვის ერთადერთი თვალი ამოეთხარა. გამძვინვარებულმა პოლიფემოსმა ღვთაებრივ მამას მიმართა ვედრებით, შური ეძია ოდისევსზე. ამიტომ იყო, რომ პოსეიდონი შინ დაბრუნების ნებას არ რთავდა ითაკას მეფეს.
გვიანი ხანის პოეტებმა შეთხზეს ლეგენდა იმაზე, თუ როგორ უყვარდა პოლიფემოსს მშვენიერი გალათეა.
