შავი ღვია
NPLG Wiki Dictionaries გვერდიდან
12:52, 18 ნოემბერი 2022-ის ვერსია, შეტანილი Tkenchoshvili (განხილვა | წვლილი)-ის მიერ
შავი ღვია - Juniperus foetidissima Willd.
შავი ღვიაც კვიპაროზისებრთა ოჯახიდანაა. ცოცხლობს სამას წლამდე. გავრცელებულია აღმოსავლეთ საქართველოში, კლდოვან და ქვიან ფერდობებზე. საქართველოში გავრცელებულ ღვიებს შორის ყველაზე მაღალია, 15 მ-მდე იზრდება და ხშირად სწორედ ხის სახით გვხდება.
შავი ღვია მარადმწვანეა. ის ეკუთვნის ღვიების ჯგუფს, რომელიც, წითელი ღვიისგან განსხვავებით, წიწვისებრი ფოთლის ნაცვლად ქერქლოვან ფოთოლს გივითარებს. ქერქლი ძალიან პატარა ზომისაა, წაწვეტებული, ზედა მხარეს ამოზნექილი. მდედრობითი გირჩის დიამეტრია 10-12 მმ. გირჩი წითურია, მომწიფებისას შავდება და მოთეთრო ნაფიფქი გადაეკვრება ხოლმე.