სახიობა
NPLG Wiki Dictionaries გვერდიდან
12:21, 10 აპრილი 2023-ის ვერსია, შეტანილი Tkenchoshvili (განხილვა | წვლილი)-ის მიერ
სახიობა — ძველქართული თეატრის სახე. ტერმინი „სახიობა“ გამოიყენებოდა სხვადასხვაგვარ სანახაობათა აღმნიშვნელად. XII—XVIII საუკუნეში ეს სახელწოდება გამოხატავდა სამეფო კარის თეატრს, სადაც წარმოდგენილი იყო: დეკლამაცია, სიმღერა, ცეკვა, ჯამბაზების, ჟონგლიორების გამოსვლები, შეჯიბრებები სანახაობითს ჟანრებში. სახიობაში მონაწილეობდნენ სასცენო ხელოვნების სხვადასხვა დარგის წარმომადგენლები: მემღერე - დრამატული მსახიობი, მახიობელი - მიმიკოსი მსახიობი, მგოსანი-მომღერალი, მუსიკოსი - კომპოზიტორი, მროკველი - მოცეკვავე მამაკაცი ან ქალი, მუშაითი - აკრობატი, ჟონგლიორი. ისინი გამოდიოდნენ როგორც საგანგებო სასახიობო შენობებში (სახლი სათამაშო), ისე საჯირითო მოედნებზე სხვადასხვა დღესასწაულების დროს.
