მორეტო აგუსტინ
აგუსტინ მორეტო − (მორეტო ი კავანია აგუსტინ, ესპ. Agustín Moreto y Cavana, 1618-1669), ესპანელი დრამატურგი.
განათლება ალკალის უნივერსიტეტში მიიღო. 1642 წელს სასულიერო პირი გახდა. სიცოცხლის ბოლოს შეწყვიტა ლიტერატურული მოღვაწეობა და მონასტერში განმარტოვდა. ანდერძით მთელი თავისი ღატაკებს დაუტოვა, დაკრძალვა კი დამნაშავეთა სასაფლაოზე ისურვა. მისი შემოქმედებაც, ისევე როგორც სორი{ლ}იასი, არ გამოირჩევა სიახლით და ორიგინალური მიგნებებით. არ ჰქონდა მდიდარი შემოქმედებითი ფანტაზია, და ამიტომაც უპირატესობას ანიჭებს უკვე ცნობილი სიუჟეტების გადამუშავებას. მორეტო წერის ოსტატია, რომელმაც იცის პიესის მოქმედების ფსიქოლოგიური ხაზის სწორად აწყობა, მართებული დრამატული სვლების მოძებნა და ამის საფუძველზე ინტრიგის ჰარმონიულად განვითარების აგება.
წერდა პიესებს სასახლისკარის თეატრისათვის (სულ 100-ზე მეტი პიესა, ამათგან 40 ლოა, ინტერმედიები, მოხიგანგები). ისტორიული პიესები „კანონის ძალა“, „მამაცი მოსამართლე“. ინტრიგის კომედიის ჟანრში: „სიყვარული და მოვალეობა“, „ორეული დედაქალაქში“, ხასიათების კომედიები: „ლამაზი დონ დიეგო“, „აბუჩად აგდებისთვის აბუჩად აგდება“. მისი შემოქმედებით მთავრდება რენესანსის ეპოქის ნაციონალური თეატრის განვითარება.
