ზღვის ენა

ევროპული ზღვის ენა

ზღვის ენა − Solea Solea L. 1758.

ტიპი: ქორდიანები
კლასი: სხივფარფლიანი თევზები
რიგი: კამბალასნაირნი
ოჯახი:ზღვისენისებრნი
გვარი:ზღვის ენები
სახეობა:ზღვის ენა

თევზის სახეობა ზღვის ენების ოჯახისა. ჩვეულებრივი ზღვის ენა გავრცელებულია ევროპის სანაპიროებში შავი ზღვიდან ჩრდილოეთ ზღვებამდე. სიგრძით 61 სმ-ს აღწევს. ისინი 20-60 მეტრის სიღრმეზე გვხვდებიან. ზოგჯერ ცალკეული ინდივიდები 230 მეტრის სიღრმემდეც ჩადიან. ევროპის სანაპიროებში ტოფობა თებერვლიდან აგვისტოს ბოლომდე გრძელდება. ქვირითის რაოდენობა 150 ათასამდე აღწევს. ქვირითის დიამეტრი 1,3-1.5 მმ-ია და მრავალი ცხიმოვანი წვეთი აქვს. გამოჩეკის პერიოდი, წყლის 9-10 ტემპერატურის პირობებში, 10 დღემდე გრძელდება.

ზღვის ენა უმთავრესად უხერხემლოებით, კიბოსნაირებით, წვრილი მოლუსკებით, აგრეთვე წვრილი თევზებითა და ღორჯოებით იკვებება.

ზღვის ენის ჭერას დასავლეთ ევროპის სანაპიროებში თვალსაჩინო სარეწაო მნიშვნელობა აქვს. ზღვის ენას უმთავრესად ტრაულერით და აგრეთვე ანკესებით იჭერენ.

წყარო

საქართველოს თევზების სარკვევი