მოტომსროლელი ჯარები
NPLG Wiki Dictionaries გვერდიდან
მოტომსროლელი ჯარები - სახმელეთო ჯარების გვარეობა ზოგიერთ სახელმწიფოში; სატანკო ჯარებთან ერთად შეადგენენ სახმელეთო ჯარების საფუძველს. ამოცანები:
- თავდაცვაში – დაკავებული რაიონების, ზღუდეების და პოზიციების შენარჩუნება, დარტყმების მოგერიება და მოწინააღმდეგის დამარცხება;
- შეტევაში (კონტრშეტევაში) – მოწინააღმდეგის
- თავდაცვის გასარღვევად, მისი ჯარების დაჯგუფებების განადგურება, ტერიტორიების ხელში ჩაგდება, წყლისმიერი დაბრკოლებების გადალახვა და სხვა.
მოტომსროლელი ჯარები შედგება მოტომსროლელი შენაერთებისგან, ნაწილებისა და ქვედანაყოფებისგან.
თანამედროვე მოტომსროლელი ჯარები სახმელეთო და საჰაერო მიზნების დასაზიანებლად აღჭურვილია მძლავრი და მრავალფეროვანი შეიარაღებით. აშშ-ის, დიდი ბრიტანეთის, გერმანიისა და სხვა სახელმწიფოების შეიარაღებულ ძალებში მოტომსროლელი ჯარების ანალოგიურ გაერთიანებებს მოტოქვეითი ჯარი ეწოდება.
