ფრანკფურტის ზავი 1871
NPLG Wiki Dictionaries გვერდიდან
16:16, 20 თებერვალი 2018-ის ვერსია, შეტანილი Labashidze (განხილვა | წვლილი)-ის მიერ
ფრანკფურტის ზავი 1871 - საზავო ხელშეკრულება გერმანიასა და საფრანგეთს შორის, რითაც დასრულდა საფრანგეთ-პრუსიის ომი. ხელმოწერილ იქნა 1871 წლის 10 მაისს მაინის ფრანკფურტში.
ფრანკფურტის ზავის მიხედვით, გერმანიამ საფრანგეთს ჩამოართვა ელზასი და აღმოსავლეთ ლოთარინგია და დააკისრა კონტრიბუცია 5 მლრდ ფრანკის ოდენობით, რომლის გადახდამდე საფრანგეთში რჩებოდა გერმანიის საოკუპაციო ჯარი.
ფრანკფურტის ზავმა ევროპაში შექმნა ძალთა ახალი განლაგება და დაძაბულობის გამწვავების ფაქტორად იქცა.
ფრანკფურტის ზავის პირობები გაუქმდა 1919 წლის ვერსალის საზავო ხელშეკრულებით
წყარო
ქართული სამხედრო ენციკლოპედიური ლექსიკონი. აკადემიკოსის, გენერალ–მაიორ ელგუჯა მეძმარიაშვილის საერთო რედაქციით, – თბილისი2017
