კურუ

კურუთი დაავადებული ბავშვი

კურუ - (kuru) ცნს-ის გადამდები, პროგრესირებადი დეგენერაციული დაავადება, აზიანებს უპირატესად ბაზალურ განგლიებსა და ნათხემს, გამოვლინდება უხეში ატაქსიით, ათეტოზით, ტრემორით, დიზართრიით და რიგიდულობით.

ფსიქიკური სიმპტომებია:

• ემოციური ლაბილობა;
• ფსიქომოტორული შეკავება;
• სწრაფად პროგრესირებადი დემენცია.

გარდაუვალია ფატალური გამოსავალი დაავადების დაწყებიდან 6-9 თვეში. გამომწვევი – Gajduseck-ის მიერ აღმოჩენილი ატიპიური „ნელი“ ვირუსი, საკმაოდ ხანგრძლივი ინკუბაციური პერიოდით, ძალზე ახლოს დგას ვირუსთან, რომელიც, სავარაუდოდ, იწვევს კრეიტცფელდტ-იაკობის დაავადებას და, შეიძლება, სკრეპს.

გავრცელებულია მხოლოდ ახალ გვინეაში და სავარაუდოდ გადაეცემა რიტუალური კანიბალიზმის გზით, გარდაცვლილი ოჯახის წევრის შეჭმის გამო.

იხილე აგრეთვე

ენცეფალოპათია, სპონგიოფორმული.

წყარო

ჯანდაცვის მსოფლიო ორგანიზაციის ფსიქიატრიის ლექსიკონები