პროსცენიუმი

პროსცენიუმი. სცენის ძირითადი ნაწილი ფარდის უკანაა

პროსცენიუმი –(ლათ. proscenium), მაყურებლებთან ყველაზე უფრო ახლოს მყოფი სცენის წინა ნაწილი, რომელიც პორტალის წინ მდებარეობს. ძველრომაულ თეატრში პროსცენიუმი (ანუ პულპიტუმი) ეწოდებოდა მსახიობთა სათამაშო მოედანს, რომელიც სცენის წინ იყო განლაგებული; სცენის მდიდრულად დეკორირებული ფასადი (scaenae fronts), რომელიც სვეტებით, თაღებით, ქანდაკებებით, რელიეფებით იყო მორთული, მდიდრულ, სადღესასწაულო გარემოს უქმნიდა პროსცენიუმზე მიმდინარე მოქმედებას, რომაულმა პროსცენიუმმა შემდგომი განვითარება პოვა აღორძინების ხანის იტალიაში (XVI საუკ.).

წყარო

ხელოვნების განმარტებითი ლექსიკონი