ტახომეტრი
NPLG Wiki Dictionaries გვერდიდან
14:58, 21 იანვარი 2022-ის ვერსია, შეტანილი Tkenchoshvili (განხილვა | წვლილი)-ის მიერ
ტახომეტრი – კინოგადაღების აპარატის საკონტროლო ხელსაწყო, რომელიც გადაღების პროცესში გვიჩვენებს კადრების სიხშირეს ერთ წამში. ტახომეტრის სკალა გრადუირებულია კადრ/წამში. კინოკამერები დანიშნულებით განსხვავდებიან; შესაბამისად განსხვავდებიან მათი ტახომეტრების სამუშაო სიხშირის დიაპაზონებიც. ტახომეტრი იდგმება პროფესიულ და მოყვარულთა კინოგადამღებ აპარატებზე, აგრეთვე ისეთ აპარატებზე, რომლებიც საკვლევ და სარეგისტრაციო გადაღებისათვის არის განკუთვნილი.
