ფოსგენი

ფოსგენი (ბერძ. phōs სინათლე და genos გვარი) − ორგანული ნაერთი, უფერო შხამიანი აირი; ქიმიური ფორმულა COCl2; სიმკვრივე: აირად მდგომარეობაში (15°С) − 4,248 კგ/მ³ (ჰაერზე დაახლოებით 3,5-ჯერ მძიმეა); თხევად მდგომარეობაში − 1432 კგ/მ³ (0°С); თხევად მდგომარეობაში დუღილის ტემპერატურაზე (+8,3°C) − 1403კგ/მ³; დნობის ტემპერატურა − −118 °C; დუღილის ტემპერატურა − +8,3°C. ცუდად იხსნება წყალში, კარგად − ბენზინში, ძმრის მჟავაში, ქლოროფორმში, ქსილოლში, ტოლუოლში. მიიღება ნახშირჟანგისა და ქლორისაგან; გამოიყენება გამხსნელების, საღებრების დასამზადებლად.

წყარო

სამშენებლო ენციკლოპედიური ლექსიკონი