ღოღობერიძე ლანა
ლანა ღოღობერიძე – დაიბადა 1928 წლის 13 ოქტომბერს თბილისში. თარგმანების ავტორი. საერთაშორისო კინოფესტივალების ლაურეატი. საქართველოს სახალხო არტისტი. 1950 წელს დაამთავრა თსუ-ს ფილოლოგიის ფაკულტეტი; 1958 წელს კი – კინემატოგრაფიის საკავშირო ინსტიტუტის სარეჟისორო ფაკულტეტი. 1953-1954 წლებში იყო ბათუმის პედაგოგიური ინსტიტუტის უფროსი მასწავლებელი; 1958 წლიდან – კინოსტუდია „ქართული ფილმის“ დამდგმელი რეჟისორი; 1982 წლიდან კინოსტუდია – „დროს“ სამხატვრო ხელმძღვანელი; 1983-1988 წლებში – თბილისის სახელმწიფო თეატრალური ინსტიტუტის კინოსარეჟისორო სახელოსნოს პედაგოგი. არის რეჟისორი ფილმებისა: „გელათი“, „თბილისი 1500 წელი“, „ერთი ცის ქვეშ“, „მე ვხე დავ მზეს“, „როცა აყვავდა ნუში“ და სხვა. მისი საკანდიდატო დისერტაციის თემა იყო – „უოლტ უიტმენი“, დაიცვა 1954 წელს. ეწევა ნაყოფიერ მთარგმნელობით საქმიანობას, ნათარგმნი აქვს უოლტ უიტმენის, რაბინდრანათ თაგორის, პოლ ვერლენის, ანა ახმატოვას, ბორის პასტერნაკის და სხვების ლექსები.
- უოლტ უიტმენი
- თარგმნა ლანა ღოღობერიძემ
- შენს ლაღ სიმღერას
- ჩრდილოეთის ცივ უდაბნოში
- მე გაკვეთილად ვაღიარებ, ობოლო ჩიტო,
- ამიერიდან მეც ღიმილით შევეყრები
- გამყინავ ქარებს,
- მსუსხავ სიცივეს, მისუსტებულ მაჯისცემას,
- დაფანტულ ფიქრებს.
- ამ შეთოვლილ თმებს, უღონობას, უილაჯობას,
- ზამთრის ტყვეობას – ჩემს სიბერეს
- (ო, რა სიცივე, რა სიცივე მესტუმრა უცებ;
- მე შენი რწმენით აღვივსები, ობოლო ჩიტო,
- სამარადჟამოდ.
- და მე ვუმღერებ განა მარტო სიჭაბუკეს,
- ზაფხულის სითბოს და ტალღების
- მხიარულ ჩქაფუნს, –
- ყინულთა შორის მომწყვდეული,
- დატყვევებული და უმოძრაო,
- მე პირქუშ ღრუბლებს – წლებით მოტანილს
- გასხსნილი გულით ვეტყვი სიმღერას.
სამუშაო გამოცდილება
- კინორეჟისორი.
- საქართველოს სსრ უმაღლესი საბჭოს არაერთგზის დეპუტატი;
- საქართველოს რესპუბლიკის სახელმწიფო საბჭოს წევრი (1992).
- მე-3 მოწვევის საქართველოს რესპუბლიკის პარლამენტის წევრი (1992-95): პროპორციული სიით, №2 მრავალმანდატიანი საარჩევნო ოლქი, ბლოკი „ერთობა“, ფრაქცია „ლიბერალების“ თავმჯდომარე.
- მე-4 მოწვევის პარლამენტის წევრი (1995-99): საქართველოს მოქალაქეთა კავშირის პარტიული სიით, საპარლამენტო უმრავლესობის ლიდერი.
- საგანგებო და სრულუფლებიანი ელჩი (1999-2005).
პრემიები
საქართველოს სახელმწიფო და საერთაშორისო პრემიების ლაურეატი.
სახელმწიფო ჯილდოები
ღირსების ორდენის კავალერი.
წყარო
- ქართველი მთარგმნელები
- ქართველი რეჟისორები
- ქართველი დიპლომატები
- ქართველი პოლიტიკოსები
- საქართველოს პარლამენტის წევრები
- 1992-1995 წლების საქართველოს III მოწვევის პარლამენტის წევრები
- 1995-1999 წლების საქართველოს IV მოწვევის პარლამენტის წევრები
- საქართველოს პოლიტიკური პარტიების წევრები
- საქართველოს სსრ უმაღლესი საბჭოს დეპუტატები
- საქართველოს სახელმწიფო საბჭოს წევრები
- საქართველოს სახალხო არტისტები
- საქართველოს ღირსების ორდენის კავალრები
- საქართველოს სახელმწიფო პრემიის ლაურეატები
- ღოღობერიძეები