ტვირთჩამჭერი
NPLG Wiki Dictionaries გვერდიდან
ტვირთჩამჭერი (ტვირთსატაცი) – მოწყობილობა ან მექანიზმი, რომლითაც აღჭურვილია ტვირთამწევი მანქანა და გამოიყენება სხვადასხვა ტვირთის ჩასაბმელად, გადასატანად და განსატვირთავად. შესაბამისად, არსებობს ტვირთჩამჭერი ფხვიერი ტვირთებისათვის (გრეიფერი, ციცხვი) და ჩასასხმელი ტვირთებისათვის (ბადიები, სპეც. ტევადობები). ტვირთჩამჭერი ერთ-ერთ სახეს მიეკუთვნება ამწევი ელექტრომაგნიტები, ვაკუუმური ტვირთჩამჭერები, ავტოჯალამბრები და სხვა.
