ბლუზი

ბლუზი - (ინგლ. Blues, სევდა) ზანგების ლირიკული სიმღერა, სრულდება ნელი ტემპით.

ბლუზი შეიქმნა XIX ს-ის მიწურულს. მისი დამახასიათებელი ნიშნებია: სინკოპირებული რიტმი, ინტონაციის „სრიალი“, პოლირიტმია და იმპროვიზება შესრულების დროს. ბლუზის საფუძვლად უდევს 12-ტაქტიანი პერიოდი სამი ოთხტაქტიანი ფრაზით. ბლუზმა დიდი გავლენა მოახდინა ჯაზური მუსიკის ფორმირებაზე.

წყარო

მუსიკის ენციკლოპედიური ლექსიკონი / [შემდგ.: ანზორ თამარაშვილი; მთ. რედ.: გულბათ ტორაძე]. [ახალციხე: თბილ. უნ-ტის მესხეთის ფილიალის გამ-ბა], 2005 (ა.ო. "პროგრესი")