ბუზანკალები

ბუზანკალები - (Tabanidae; ლათ. tabanus ბუზანკალი + id ბოლოსართი, ნიშნავს შთამომავალს) – სისხლმწოვი ორფრთიანი მწერების ოჯახი; მიეკუთვნება Holometabola-ს ჯგუფს. დიდი სხეულის მქონე ორფრთიანი ჰემატოფაგები.

ბუზანკალები ძალზე ფართოდ არიან გავრცელებული, განსაკუთრებით ტაიგის, ტყისა და ტყესტეპის ზონებში. სტეპისა და უდაბნოს ზონებში ბინადრობენ მდინარეების ნაპირების გასწვრივ და ტბების ირგვლივ. სახეობებით მრავალრიცხოვანი გვარებია: Tabanus, Atylotus, Hybomitra, Chrysops და Haematopota. ბუზანკალები განსაკუთრებით შემაწუხებლებია. მათ აქვთ შხამიანი ნერწყვი და არიან ჯილეხის, ცხენის ინფექციური ანემიისა და ტრიპანოსომოზის, მსხვილფეხა მცოხნელი პირუტყვის ანაპლაზმოზის, ემფიზემატოზური კარბუნკულის აღმძვრელების გადამტანები.

წყარო

სავეტერინარო პარაზიტოლოგიის ტერმინთა ლექსიკონი