გამჭოლი მოქმედება

გამჭოლი მოქმედება — სტანისლავსკის სისტემის ერთ-ერთი ფუნდამენტური პოსტულატი; სამსახიობო ანსამბლის შექმნის აუცილებელი პირობა; დამდგმელი კოლექტივის ერთი იდეით, ერთი ზეამოცანით გამსჭვალვა. გამჭოლი მოქმედება ხელს უწყობს თითოეულ მსახიობს იპოვოს როლის ფუნქცია, გაიაზროს პერსონის მნიშვნელობა დრამის მექანიზმში, გამოკვეთოს საკუთარი მოქალაქეობრივი პოზიცია. გამჭოლი მოქმედების ხელშეწყობით რეჟისორი აგებს სპექტაკლის პარტიტურას, ერთიან მხატვრულ სტილში აქცევს სპექტაკლის ყველა კომპონენტს.

წყარო

მსოფლიო თეატრის ენციკლოპედიური ლექსიკონი