ქოანოტენია

ქოანოტენია – (Choanotaenia; ბერძნ. choanos ძაბრი + ლათ. taenia ლენტი), ცესტოდების გვარი; მიეკუთვნება Hymenolepidata-ს ქვერაზმს. Choanotaenia infundibulum – სახეობა, პარაზიტობს ქათმისებრთა ოჯახის (ქათამი, ინდაური, ციცარი, კაკაბი და სხვ.) ფრინველების წვრილ ნაწლავებში. ბიოჰელმინთი. შუალედური მასპინძელი – ოთახის ბუზი, ხოჭო, კუტკალია. ფრინველის ქოანოტენიოზის აღმძვრელი.

წყარო

სავეტერინარო პარაზიტოლოგიის ტერმინთა ლექსიკონი