შტამპი (თეატრი)
NPLG Wiki Dictionaries გვერდიდან
12:59, 2 მაისი 2023-ის ვერსია, შეტანილი Tkenchoshvili (განხილვა | წვლილი)-ის მიერ
შტამპი – გარეგნული აქტიორული ხერხი, რომელიც მოკლებულია შინაგან სულიერ შინაარსს და გამოიყენება გარკვეულ გრძნობათა გამოსახატავად. შტამპად შეიძლება იქცეს სხვადასხვა თეატრალური საშუალება: სცენური მეტყველება (ინტონაცია, დიქციის თავისებურება), პლასტიკა, მიმიკა და ა. შ. ჭეშმარიტი ხელოვნებისათვის შტამპი უცხოა. იგი ხელოსნობის შედეგია. ტერმინი შტამპი ხელოვნებაში იხმარება რეჟისორის, მხატვარ-დეკორატორის მიმართაც, რომელიც იმეორებს ხერხებს, რომელთაც დაკარგული აქვთ პირვანდელი აზრი.
