გელათელი პეტრე

გელათელი პეტრე – (XII საუკუნე) პოეტი, ჰიმნოგრაფი. ცნობილია მხოლოდ ის, რომ მოღვაწეობდა გელათში; ანტონ I კათოლიკოსის სიტყვებით იყო ფილოსოფოსი, რიტორი, ღვთისმეტყველი; მისი პოეტური, სასულიერო ნაწერებიდან ჩვენამდე მოღწეულია იამბიკო „ღვთისმშობლის პატივად”, 24 იამბიკო გრიგოლ ღვთისმეტყველისა; ერთ იამბიკოში შექებულია იოანე პეტრიწი, ერთში - „კლემაქსის” ავტორი, იოანე სინელი; იამბიკოები ჩართულია „კლემაქსის” პეტრიწისეულ პროზაულ თარგმანში (XIII საუკუნის ხელნაწერი); ანტონ I კათალიკოსის აზრით „სტიხნი პეტრესნი” ჰგვანან იეზეკიელის, იოანე ფილოსოფოსისა და ეფრემ ქართველთა მნათობის ლექსებს „და ესეც კმა ქებადო”.

წყარო

ქართველი პოეტები (ენციკლოპედია)