ასფალგი იულიუს

იულიუს ასფალგი − (6.XI. 1919, აშაუ, ზემო ბავარია, – 13. III. 2001, მიუნხენი), გერმანელი აღმოსავლეთმცოდნე, ქართველოლოგი; მიუნხენის უნივერსიტეტის პროფესორი, ქრისტიანული აღმოსავლური მწერლობის კორპუსის არაბული სექციის გამგე. მან მიხეილ თარხნიშვილთან ერთად გადამუშავა და გერმანულ ენაზე გამოსცა კ. კეკელიძის „ძველი ქართული მწერლობის” I ტომი (1956), ასევე ზემოხსენებული ნაშრომი გერმანიაში დაცული ქართული ხელნაწერების აღწერილობა (1963).

ი. ასფალგის ნაშრომში წარმოდგენილია გერმანიის სხვადასხვა ბიბლიოთეკასა და საზოგადოებაში დაცული ქართული ხელნაწერებისა და ფრაგმენტების აღწერილობა, რომელთა 28 ერთეული თავმოყრილია 15 ნომერში; ერთი და იმავე დასახელების რამდენიმე კრებული (იხ. Ms. or. fol. 926.) ან სასულიერო მწერლობის ერთი და იმავე დარგის თხზულებათა რამდენიმე ფრაგმენტი გაერთიანებულია ერთ ნომრად (იხ. God.Ms.V 1096, რის გამოც ზოგჯერ ერთი საფონდო შიფრის ქვეშ 4-5 ერთეული გვხდება. კატალოგზე მუშაობისას ი. ასფალგს ცნობებს აწვდიდნენ ქართველი და ევროპელი მეცნიერები: აკ. შანიძე, ილ. აბულაძე, ჟ. გარიტი და ფ. ჰალკინი. (Assfalg 1963 (a): IX).

დღესდღეობით ბერლინის სახელმწიფო ბიბლიოთეკას კიდევ დაემატა სამი ხელნაწერი, რომელთაგან ერთი, სახარება (Hs.or.14561) რუსული ხელნაწერების ფონდიდან გადაუტანიათ ქართულ ხელნაწერებში, მეორე – ზღაპარი (Ms.or. Octav. 169) – სომხურ ხელნაწერთა ფონდიდან, კიდევ ერთი ხელნაწერის, კერძოდ, ფსალმუნის (Hs.or. 7931) ფონდში შესვლის ისტორია უცნობია.

წყარო

ქართული ხელნაწერი წიგნი საზღვარგარეთ