განტოლება
განტოლება – განტოლება ეწოდება ერთი ან რამდენიმე უცნობი ცვლადის შემცველ ტოლობას. უფრო ზოგადად განტოლება არის არგუმენტთა იმ მნიშვნელობების მოძებნის ამოცანის ანალიზური ჩაწერა, რომელთათვისაც ორი მოცემული ფუნქციის მნიშვნელობანი ტოლია.
არგუმენტებს, რომლებზეც დამოკიდებულია ეს ფუნქციები, უცნობები ეწოდებათ, ხოლო უცნობების მნიშვნელობებს, რომელთათვისაც ფუნქციების მნიშვნელობანი ტოლია – ამონახსნები (ფესვები). უცნობების ამ მნიშვნელობების შესახებ ამბობენ, რომ ისინი მოცემულ განტოლებას აკმაყოფილებენ.
განტოლებათა ერთობლიობას, რომელთათვისაც მოსაძებნია უცნობების მნიშვნელობები, რომლებიც ერთდროულად დააკმაყოფილებენ ყველა ამ განტოლებას, განტოლებათა სისტემა ეწოდება; ხოლო უცნობების მნიშვნელობებს, რომლებიც ერთდროულად დააკმაყოფილებენ სისტემის ყველა განტოლებას – სისტემის ამონახსნები ეწოდება.
იხილე აგრეთვე
- განტოლება ალგებრული
- განტოლება ბიკვადრატული
- განტოლება ბრუნვის
- განტოლება დიფერენციალური
- განტოლება ინტეგრალური
- განტოლება ირაციონალური
- განტოლება კანონიკური
- განტოლება კვადრატული
- განტოლება კუბური
- განტოლება ლაპლასის
- განტოლება მახასიათებელი
- განტოლება პუასონის
- განტოლება სამწევრა
- განტოლება ტელეგრაფის
- განტოლებათა სისტემა
- სისტემა განტოლებების
- განტოლების რიცხვითი ამოხსნა
- განუსაზღვრელი განტოლება
- განტოლება ზედაპირის → ზედაპირი
- საუკუნის განტოლება → მახასიათებელი განტოლება
