მირიან II
მირიან II (მირვან) – ქართლის მეფე (ძვ. წ. I ს.), მისი მამა ყარნაჯომი ცეცხლთაყვანისმცემლობის მიღების გამო ერისთავებთან ბრძოლაში დაიღუპა. მირიან II აღიზარდა სპარსეთში. დავაჟკაცებულმა მოინდომა მამაპაპისეული ტახტის დაბრუნება. დიდი ლაშქრით შემოვიდა ქართლში და ერისთავებს მოციქულის მეშვეობით. აუწყა, რომ შურის საძიებლად არ იყო მოსული. ერისთავებმა მის მოწოდებას მხარი არ დაუჭირეს, მირიან II-მ ტახტი ბრძოლით დაიბრუნა. მისი მოციქულის სიტყვა მაღალი დონის მჭერმეტყველების ნიმუშს წარმოადგენს. მოლაპარაკების ინიციატორის სიტყვებით, ფარნაჯომი სამართლიანად დაისაჯა, რადგან განუდგა წინაპართა რწმენას, ერისთავთა შიში რომ გაფანტოს, მირიან II მათ ამშვიდებს: „სჯულისა დატევებისათვის მოჰკლეენ მამანი შვილთა და ძმანი ძმათა და არა იძიების სისხლი სჯულისა დატევებისათვის მოკლულთა“.
