ალეწი
NPLG Wiki Dictionaries გვერდიდან
00:43, 23 აპრილი 2024-ის ვერსია, შეტანილი Tkenchoshvili (განხილვა | წვლილი)-ის მიერ
ალეწი – ყოფილი სოფელი ბორჯომის მუნიციპალიტეტის ტერიტორიაზე, ისტორიულ თორში, მდინარე გუჯარეთისწყლის ხეობაში, სოფელ წინუბნიდან ჩრდილოეთით 8 კმ მანძილზე. სოფლის მიდამოებში არის ალეწის ციხე. მასზე ასვლა მხოლოდ სამხრეთის მხრიდან, სოფელ წინუბნიდანაა შესაძლებელი. ძნელად მისადგომია. ციხეს ჰქონია ორი კოშკი, რომელთაგან მხოლოდ მომრგვალო ფორმის საძირკველია დარჩენილი. ვახუშტი ბაგრატიონი სოფლის შესახებ წერს: „სარბიელას-ჴევის თავს, მაღალს მთის წვერზედ, არს ციხე ალეწისა, მაგარი და მჭვრეტი ქართლ-იმერეთისა”. შემორჩენილია ალეწის ციხის ნანგრევები.
