სამკუთხედი ეგვიპტური

სამკუთხედი ეგვიპტური – სამკუთხედი, რომლის გვერდების სიგრძეები შეესაბამება 3, 4 და 5 ერთეულს. უძველეს დროში 3, 4 და 5 ერთეული სიგრძის გაჭიმული თოკების საშუალებით ეგვიპტელი ქურუმები იღებდნენ მართ კუთხეს ტაძრების და სხვა ნაგებობების აგებისას. შეიძლება დადგინდეს ამ ხერხის წარმოშობის დრო. ჩვ. წ. აღ-მდე XXX საუკუნის ბოლოს აგებულ იქნა ფარაონ ხეოფსის პირამიდა, რომელშიც არ არის ასეთი სამკუთხედი, ხოლო მისი ძმის ფარაონ ხეფრენის პირამიდის ანსამბლში უკვე არის ასეთი სამკუთხედი.

წყარო

მათემატიკის ენციკლოპედიური ლექსიკონი