ფარნაკე II
NPLG Wiki Dictionaries გვერდიდან
15:12, 21 აგვისტო 2024-ის ვერსია, შეტანილი Tkenchoshvili (განხილვა | წვლილი)-ის მიერ
ფარნაკე II – ბოსფორის მეფე ძვ.წ. 61-47. მითრიდატე VI ევპატორის ძე, მისი მშობლიური ენა ბერძნული იყო. ძვ.წ. 63 ფარნაკე II-მ პანტიკაპეონში მამას არმია აუჯანყდა და ამით, ბოსფორის სამეფო გვირგვინი ხელთ იგდო. კეისარსა და პომპეუსს შორის ამტყდარი სამოქალაქო ომის დროს ფარნაკე II იკავებს კოლხეთს და პონტოს. მისი აგრესია იბერიასაც გადასწვდა, სადაც გაძარცულ იქნა ანაპიტას (აჲნინას) ტაძარი აწყურში (ბერძ. ლევკოთეა). ძვ.წ. 47 პონტოში ქალაქ ზელასთან გამართულ ბრძოლაში კეისარმა ფარნაკე II დაამარცხა. იგი ბოსფორში დაბრუნდა, სადაც დაიღუპა კიდეც.
